News

આજરોજ શ્રી એસ.વી.દોશી હાઈસ્કૂલ કુંભણ ખાતે શાળાના ચેરમેન અને દાતાશ્રી બિપીનભાઈ વી.દોશી અને રીટાબેન દોશી તથા કેતનાબેન દોશી અને “શ્રીમદ રાજચંદ્ર મિશન ધરમપુર” આશ્રમમાંથી શ્રી અનિતાબેન તથા શ્રધ્ધાબેન પણ શાળાની શુભેચ્છા મુલાકાતે પધારેલ.અને વિદ્યાર્થીઓને જુદી જદી પ્રવૃતિઓ સાથે શિક્ષણકાર્ય પણ કરાવેલ.અને વિદ્યાર્થી ભાઈ-બહેનો પણ ઉત્સાહ જોડાયેલ.

શ્રી એસ.વીદોશી હાઈસ્કૂલ કુંભણ ખાતે ધોરણ ૧૦ અને ૧૨ ના વિદ્યાર્થીઓનો વિદાય સમારંભ યોજાઈ ગયો, જેમાં કાર્યક્રમનાં મુખ્ય અતિથી તરીકે ભાગવત કથાકાર પૂજ્ય શ્રી શરદભાઈ વ્યાસ,કુંભણ ગ્રામ પંચાયતના સરપંચ શ્રી હોથીભાઈ જાજડા તથા ઉપસરપંચશ્રીએ હાજરી આપી હતી અને પ્રસંગને અનુરુપ સંબોધન કર્યુ હતું,કાર્યક્રમ દરમિયાન વિદ્યાર્થીઓ ભાવુક બની ગયા હતા,ત્યારબાદ વિદ્યાર્થીઓમાં આઈસ્ક્રીમનું વિતરણ કરી અને મોં મીઠા કરાવ્યા હતા. આ ઉપરાંત આ પ્રસંગ નિમિત્તે વિદાયલેતા વિદ્યાર્થીઓએ શાળાને જરુરી સામાનની ભેટ પણ આપી હતી.

શ્રી સૂરજબેન વિનોદરાય દોશી હાઈસ્કૂલ કુંભણમાં શૈક્ષણિક પ્રવાસ “ સૌરાષ્ટ્રની એક સફર “ નું આયોજન કરવામાં આવ્યુ હતું.જેમાં વિદ્યાર્થી બહેનો તથા ભાઈઓ ઉત્સાહભેર પ્રવાસનો આનંદ માણ્યો હતો.જેમા સૌરાષ્ટ્ર વિસ્તાર ના અલગ- અલગ સ્થળો તથા તીર્થ સ્થાનોની મુલાકાત લેવામાં આવી હતી.પ્રવાસનો સમયગાળો ૪-દિવસ અને ૩ રાત્રી હતો.સાથે સાથે શાળાનાં ચેરમેન બિપીનભાઈના મિત્ર એવા વિક્રમભાઈ તન્નાનો સારો એવો સહકાર મળ્યો હતો તેમણે શાળામાંથી ગયેલ પ્રવાસીઓ માટે રહેવા જમવાની ,સવારે ચા-નાસ્તો તેમજ સોમનાથ મહાદેવ મંદિરમાં પ્રદર્શિત થતા લાઈટ શો-માટેની વ્યવસ્થા પણ કરી આપીહતી.આમ વિક્રમભાઈએ આ વ્યવસ્થા કરી અને સાથે ખડેપગે ઉભારહી વિદ્યાર્થીઓને પ્રોત્સાહિત  કર્યા હતા.જેનો શાળા પરિવાર આભારી છે.સાથે શાળાનાં ટ્રસ્ટ્રી એવા મગનદાદા બુટાણી પણ સાથી રહીને માર્ગદર્શન પુરૂ પાડયુ હતુ.અને શિક્ષકમિત્રોએ જરૂરપડે ત્યા ખડેપગે ઉભા રહીને વ્યવસ્થા સંભાળી હતી.